Saltar ao contido

Te lo cuentan las matemáticas, proxecto no que colabora o Consello Social, convértese en libro

Colaboracións e patrocinios
Novas

Te lo cuentan las matemáticas é un proxecto que busca estimular as vocacións matemáticas entre o estudantado de terceiro ciclo de Educación Primaria, con especial atención ás medidas dirixidas a promover a igualdade de xénero. Para alcanzar este propósito, é fundamental a aprendizaxe e o ensino das matemáticas dende un punto de vista científico e tecnolóxico, complementario aos currículos, orientado ás aplicacións na vida cotiá e empregando metodoloxías educativas innovadoras que mostren as matemáticas coma unha achega, comprensible, divertida e atractiva. Desenvólvese dende outubro de 2020, coa colaboración do Consello Social da Universidade de Vigo. Cada curso hai programadas actividades por trimestre, coincidindo coa celebración de datas importantes para a investigación en matemáticas e o apoio á presenza das nenas e mulleres nas áreas CTIM: Día de Ada Lovelace, Día da Muller e da Nena na Ciencia e Día das Matemáticas. O contido destas actividades está relacionado coa investigación dunha matemática de referencia: Ada Lovelace, Agnes Meyer Discroll, Hipatia de Alexandría, Dorothy Johnson Vaughan, Emmy Noether.

Ver anteriores novas de Te lo cuentan las matemáticas:

Unha nova actividade de “Cóntancho as matemáticas”, coa colaboración do Consello Social

Outra actividade de “Cóntancho as matemáticas”, unha iniciativa co apoio do Consello Social

Te lo cuentan las matemáticas convertese en libro

Como dicimos arriba, é esta unha obra de divulgación das matemáticas na última etapa de Educación Primaria e no comezo da Secundaria, buscando o fomento da utilidade social e económica das matemáticas desde un punto de vista científico e funcional, promovendo o interese polas mesmas, co fin de xerar vocacións matemáticas, en especial entre as nenas. As autoras son Beatriz Álvarez Díaz, Ixchel Dzohara Gutiérrez Rodríguez e Marta Pérez Rodríguez

Os logros científicos de tres mulleres matemáticas y as aplicacións das matemáticas na comunicación cifrada, na descripción do movemento dos astros e las rutas dos avións son o punto de partida para o desenvolvemento de contenidos e actividades relacionadas con: criptografía (Cóntacho unha espía), cónicas (Cóntacho unha astrónoma) e mapas (Cóntacho unha piloto).

Este libro  inclúe obradoiros con recursos manipulativos e tecnolóxicos, acceso a presentacións e fichas. Preséntanse ademais breves biografías de Ada Lovelace, Hipatia de Alexandría e Maryam Mirzakhani que se completan con información sobre recursos didácticos para profundizar no estudo da súa figura. Todo contado por unha espía, unha astrónoma e unha piloto.

Facendo clic no botón poderás visualizar e descargar un PDF cunhas cantas páxinas da parte inicial do libro.

Descargar fragmento de “Te lo cuentan las mataemáticas”
Universidade de Vigo